Syt ainige Joohre scho, zellemr ys zue de "Syschteembängg".
Do drunter muesch dr folgendes vorstelle:
Dr Schnitzelbangg het quer dur sy Vordraag e roote Faade. By ainige Bängg isch das, ass sy zem Byspyl dr Joohrgang unter e Motto/Sujet stelle und das bim Goschtyym, de Larve und Helge zum Ussdrugg bringe. Widr anderi bringe by jeedem Bangg sich sälber zerscht als Uffhänger, zum esoo zuenere Yberraschig by dr Pointe z kho oder sy schtrigge sich e Refrain, wo oohregfellyg isch.
Mir häns esoo gwählt, ass e jeede Bangg irgendwye zu dr aggtuelle Blaggedde basst. Dämentsprächend isch au e jeede Helge d Blaggedde - aifach e weeneli abgänderet.
